Հարգելի՛ քաղաքացիներ,
Ցանկանում եմ հիշեցնել, որ ընտրողների հաշվառման վայրի փոփոխության վերաբերյալ դիմումների ընդունումն ավարտվում է մայիսի 26-ին՝ ժամը 14։00-ն։
Սա նշանակում է, որ եթե ցանկանում եք ժամանակավորապես դուրս գալ ըստ հաշվառման վայրի ընտրողների ցուցակից և ընդգրկվել ըստ գտնվելու վայրի ընտրական տեղամասի ընտրողների ցուցակում, դուք պետք է դիմում ներկայացնեք մինչև նշված ժամը։
Դիմումներն ընդունվում են երկու եղանակով՝ էլեկտրոնային և թղթային։
Էլեկտրոնային դիմում: Այն պետք է անպայման ապահովված լինի էլեկտրոնային թվային ստորագրությամբ։
Թղթային դիմում: Եթե դիմումը ներկայացվում է այլ անձի անունից, դիմումատուն պարտավոր է ներկայացնել նոտարական կարգով վավերացված լիազորագիր։
Կարևոր է հասկանալ, որ սահմանված ժամկետից հետո դիմումների ընդունումը դադարեցվում է, այդ թվում՝ էլեկտրոնային եղանակով։
Հիշեցնում եմ նաև, որ Հայաստանում հերթական խորհրդարանական ընտրությունները տեղի կունենան հունիսի 7-ին։ Ընտրություններին կմասնակցի 19 քաղաքական ուժ՝ 17 կուսակցություն և 2 դաշինք։
