Փետրվարի 13-ին Հայաստանի պաշտպանության նախարար Սուրեն Պապիկյանը հանդիպել է Հայաստանում ԱՄՆ դեսպանության գործերի ժամանակավոր հավատարմատար Դեյվիդ Ալենի հետ։
Հանդիպման ընթացքում նախարար Պապիկյանը շնորհավորել է Դեյվիդ Ալենին պաշտոնը ստանձնելու կապակցությամբ և մաղթել է հաջողություններ։
Զրուցակիցները քննարկել են Հայաստան-ԱՄՆ երկկողմ հարաբերությունների, հատկապես պաշտպանության ոլորտում համագործակցության հնարավորությունները։ Սուրեն Պապիկյանը նշել է, որ այս ժամանակահատվածում, երբ Հայաստանը գտնվում է պաշտպանական բարեփոխումների ակտիվ փուլում, երկու երկրների համագործակցությունը առավել կարևոր է, քան երբևէ։
Քննարկվել է նաև երկկողմ ռազմատեխնիկական համագործակցության հնարավորությունը։ Հանդիպման ընթացքում հատկապես կարևորվել են կրթական ծրագրերը, պաշտոնակատարների վերապատրաստումները, համատեղ ռազմական վարժանքները, փորձի փոխանակումը և մասնագիտական խորհրդատվությունը։
Դեյվիդ Ալենը հայտնել է ԱՄՆ-ի պատրաստակամությունը՝ Հայաստանի հետ պաշտպանության ոլորտում համագործակցությունը զարգացնելու և աջակցելու ՀՀ պաշտպանական բարեփոխումների գործընթացին։ Բացի այդ, զրուցակիցները անդրադարձել են տարածաշրջանային և միջազգային անվտանգությանն առնչվող հարցերին։
