Հայաստանի հակակոռուպցիոն դատարանը սկսել է վարույթ՝ Գլխավոր դատախազության կողմից ներկայացված գործով, որը վերաբերում է ապօրինի ծագում ունեցող գույքի բռնագանձմանը։ Այս անգամ դատական գործընթացը սկսվել է նախկին Ազգային ժողովի պատգամավոր Մխիթար Զաքարյանի գույքի հարցով։
Ինչպես հայտնի է դարձել, Հայաստանի գլխավոր դատախազությունը դատարանից պահանջում է հօգուտ պետության բռնագանձել նախկին պատգամավորի 12 անշարժ գույք։ Այս գույքի ընդհանուր արժեքը կազմում է 960 միլիոն դրամ։
Բռնագանձման ենթակա են 12 անշարժ գույք։ Դրանցից 3-ը գտնվում են Երևան քաղաքում, մեկը՝ Կոտայքի մարզի Ջրվեժ համայնքում, իսկ մնացած 8-ը՝ Սյունիքի մարզի Մեղրի համայնքում։
Բացի այդ, դատախազությունը պահանջում է բռնագանձել նաև 1 տրանսպորտային միջոց, նախկին պատգամավորի մասնակցությունը 10 իրավաբանական անձանցում, ինչպես նաև 957 միլիոն 64 հազար դրամ, որը համարվում է ապօրինի եկամտի մնացորդ։ Բացի այդ, պահանջվում է բռնագանձել 18 միլիոն 316 հազար դրամ, որոնք, դատախազության տեղեկացմամբ, չեն հիմնավորվում Մխիթար Զաքարյանի օրինական եկամուտներով։
