Ապրիլի 14-ին Հայաստանի Հանրապետության Անվտանգության խորհրդի (ԱԽ) քարտուղար Արմեն Գրիգորյանը հանդիպում է ունեցել Հայաստանում Կատարի Պետության դեսպան Մանսուր Աբդալլահ Ալ-Սուլայտիի հետ։
Հանդիպման ընթացքում կողմերը բարձր գնահատել են երկու երկրների միջև հաստատված հարաբերությունների մակարդակը։ Նրանք վերահաստատել են իրենց պատրաստակամությունը շարունակելու համագործակցությունը բազմաթիվ ոլորտներում՝ լիարժեք օգտագործելով առկա ներուժը։
Քննարկվել են նաև տարածաշրջանային զարգացումների հարցերը։ Կողմերը միաձայն ընդգծել են խաղաղության և կայունության հաստատման կարևորությունը տարածաշրջանում։
